Камерниот црковен хор „Св.Великомаченик Пантелејмон“ од Велес освои златен медал на натпревар во Грција

Камерниот црковен кор „Св.Великомаченик Пантелејмон“ од Велес освои златен медал на 20-та Интернационална хорска смотра односно на 14-от натпревар на хорови што се одржа во градот Карписи, Грција, како и награда за најдобар диригент за диригентот проф Славица Ставрева.

На денешната прес-конференција Славица Ставрева потенцира дека за нив претставува големо признание, а наградата е резултат на работа со голем љубов, ентузијазам и дух кон духовната музика.

- Хорот постои 12 години, а ние за овој натпревар напорно се подготвувавме скоро една година и резултатот не изостана. Радува фактот што на нашите настапи во градската црква „Св. Великомаченик Пантелејмон“ доаѓаат да не слушаат се поголем број на верници, па и цели семејства посебно младите, потенцира Ставрева.

Инаку, црковниот хор „Св.Великомаченк Пантелејмон“ учествува и на голем број културни манифестации во градот и има се поголем број на публика.

Градоначалникот Чадиев им го честата успехот и потенцира дека Општина Велес секогаш финансиски ќе ги подржува сите поединци и групи, а кои во светот достојно го презентираат градот и Македонија.