Калифорнија: Новите ветрови се закануваат да ги прошират пожарите
Пожарникарите во јужна Калифорнија се подготвуваат за уште еден бран силен ветер од пустината Санта Ана, откако вчера, кога дувал послаб ветар, на некои делови успеале да се справат со пожарот поради кој се евакуирани илјадници жители на Лос Анџелес во близина на музејот „Гети центар“.
Градските истражители за пожар соопштија дека пожарот во Гети најверојатно бил предизвикан од скршена гранка на дрво, која ветерот ја донел до далекуводи.
Електрична енергија се уште е исклучена поради претпазливост во околу половина милион домови и продавници во централна и северна Калифорнија.
Националната служба за временска прогноза и невреме соопшти дека има критична или екстремна опасност од пожар за повеќе од 88.000 квадратни километри и за 21 милиони луѓе во Калифорнија.
Гувернерот на Калифорнија Гавин Њусом во понеделникот прогласи вонредна состојба во оваа американска држава, затоа што пожарите и екстремните временски услови принудија речиси 200.000 луѓе да ги напуштат своите домови.
Ново на Сител
-
Инспекторите на терен, дел од книжарниците продаваат по стари цени
-
Албанскиот буквар бил одобрен од Бирото за развој на образованието како дидактичко помагало
-
Ќе се менуваат кадрите во историските комисии со Бугарија и Грција
-
Министерот Фидан во официјална посета
-
Објавен јавниот повик – Општините добиваат 250 милиони евра за развојни проекти
-
Стопанската комора се откажа од барањето за одложување на Законот за нефер трговија
-
Случајот „Онкологија” и по една година се уште во истражна постапка – Клиниката најголем должник
-
Судскиот совет предлага обвинителството да постапува по случајот