Каја Калас на тридневна турнеја низ Западниот Балкан
Високата претставничка на ЕУ за надворешни работи и безбедносна политика Каја Калас заминува на нејзината прва посета на Западниот Балкан од стапување на функцијата, во чии рамки од денеска до среда ќе престојува во Црна Гора, Албанија и Босна и Херцеговина.
Денеска, на првиот ден од турнејата, Калас во Подгорица ќе има средби со претседателот на Црна Гора, Јаков Милатовиќ и со премиерот Милојко Спајиќ. Предвидено е Калас да им средби и со претставници на граѓански организации, а ќе присуствува и на примопредавањето на воена опрема за Црна Гора, финансирана од Европскиот мировен фонд.
Од Подгорица, високата претставничка на ЕУ ќе замине за Тирана, каде утре ќе има средби со албанскиот претседател Бајрам Бегај и премиерот Еди Рама, како и со министрите за Европа и надворешни работи Игли Хасани и за одбрана Пиро Венгу.
Заедно со Хасани и Венгу, Калас ќе го одржи и првиот Дијалог за безбедност и одбрана ЕУ-Албанија, а ќе присуствува и на потпишувањето на договори за грант и заем од Европската инвестициска банка за изградба на пруга од Драч до Рогожина. Калас, исто така ќе има и обраќање пред студенти и претставници на граѓанското општество.
На последната етапа од нејзината западнобалканска турнеја, Калас ќе престојува во Сараево, каде утре ќе има средба со членовите на Претседателството на Босна и Херцеговина, а предвидено е за време на посетата да се сретне и со претседавачката на Советот на министри на БиХ, Борјана Кришто, како и со министерот за надворешни работи Елмедин Конаковиќ.
Покрај ова, Калас ќе ги посети и припадниците на мисијата на на ЕУ во Босна и Херцеговина – ЕУФОР Алтеа.
Ново на Сител
-
Тема на денот со Герард Кестел, Меѓународниот институт за социјални студии во Холандија
-
Средба Николоски-Караџов: Брзо да се финализира договорот за изградба на железнички тунел
-
Кочовска: До овој момент нема понуда за пругата од Коридорот 10
-
Лидерска средба ЕУ – Западен Балкан во Скопје, аналитичарите не очекуваат исчекор во македонските евроинтеграции
-
Филипче во Берлин ќе лобира против „современ“ македонски јазик
-
ЗНАМ до средината јули ќе ги објави кандидатите за градоначалници
-
По одлуката на Уставен, ВРЕДИ и ДУИ се судрија за пописот во 2021
-
Пазарниот инспекторат констатирал зголемување на цените во маркетите, но не биле повисоки од пред замрзнувањето