Кај малолетник од Скопје пронајдени пиштол и куршуми

Полициски службеници вчера лишиле од слобода 16-годишен малолетник, кај кого биле пронајдени пиштол и куршуми, соопшти Министерството за внатрешни работи.

-Вчера во 18:10 часот во Скопје, во близина на гробиштата Бутел, полициски службеници од СВР Скопје лишиле од слобода 16-годишен малолетник од Скопје. При сообраќајна контрола во Скопје, полициските служебници дале знак за запирање на мотоцикл, кој го управувал малолетникот, но тој не застанал и се дал во бегство. По преземени мерки и активности од страна на полициските службеници, малолетникот е запрен и лишен од слобода, а при извршен преглед, кај него бил пронајден и одземен пиштол „Ц3“ и куршуми, информираат од МВР.

Од Министерството за внатрешни работи најавуваат дека по целосно документирање на случајот, ќе биде поднесен соодветен поднесок.