Кабинет на Џафери: Седница за ДИК не беше закажана зашто немаше партиски предлози

Кабинетот на претседателот на Собранието на Република Македонија реагира на написите пласирани во дел од порталите, во врска со наводното одложување на седницата на која треба да се изгласаат членовите на Државната изборна комисија. Во написите, укажуваат од кабинетот, неточно е наведено дека  процесот на избор на членови на ДИК е попречен поради отсуството на претседателот на Собранието Талат Џафери од приватни причини.

- Седницата на Собранието на која ќе се гласа за новите членови на Државната изборна комисија, воопшто не беше закажана, што значи немало и што да се откаже. На 23 јули 2018 година, претседателот на Собранието чекаше вакво известување до полноќ и истото не пристигна. Затоа седницата не беше ниту закажана, се вели во соопштението од кабинетот на Џафери.

Кабинетот на претседателот на Собранието ги поттикнува сите новинари, како и досега, да се обратат до кабинетот за да добијат прецизна, точна и навремена информација, со цел да се превенира ширење на нецелосни и невистинити вести во јавноста.