Јужен Судан: Шест новинари во притвор поради објавување снимка од претседателот со измокрени панталони
Шест новинари се приведени во Јужен Судан откако се појави видео-снимка на која се гледа како претседателот Салва Кир Мајардит се помокрил на официјален настан, соопшти вчера Националниот синдикат на новинари.
Видеото снимено декември, покажува темна дамка, што се шири низ сивите панталони на 71-годишниот претседател додека мирно стои за време на националната химна по повод пуштањето во употреба на новоизградениот пат. Снимката не беше емитувана на телевизија, но беше споделена на социјалните мрежи.
– Новинарите, кои работат за државната радиодифузна корпорација Јужен Судан, беа приведени на 3 и 4 јануари. Тие се осомничени дека биле свесни за тоа дека видеото ќе добие публицитет, изјави претседателот на Синдикатот на новинари во Јужен Судан, Патрик Ојет.
Мајардит е претседател откако Јужен Судан се стекна со независност во 2011 година. Владините претставници постојано ги негираа гласините на социјалните мрежи дека тој не е во добра здравствена состојба.
– Инцидентот е дел од шемата што ја користат безбедносните службеници за да прибегнуваат кон произволно притворање доколку се оцени дека медиумското покривање не ги прикажува функционерите во добро светло, наведе претставникот на Комитетот за заштита на новинарите за Субсахарска Африка, Мутоки Мумо.
Ново на Сител
-
Тешко повреден мотоциклист во сообраќајна несреќа
-
Таравари: За приватните специјализанти ќе постапиме според интересот на болниците, над 10 доктори во Штип
-
Повеќе од 130 светски лидери следната недела на Генералното собрание на ОН
-
Над 7.500 ученици во Општина Аеродром добија бесплатни училишни униформи
-
Муцунски на Столтенберг му врачи Плакета за постигнатите успеси
-
Модуларната болница кај Инфективната клиника во Скопје ќе ја користат Затвор Идризово или Министерство за одбрана
-
Утре променливо облачно со повремен дожд, температура до 25 степени
-
Израел во состојба на готовност: Илјадници војници се префрлија на север поради страв од одмазда на Хезболах