Јуве три недели без „Манџа“!

Фудбалерот на Јувентус, Марио Манџукиќ, поради повреда ќе отсуствува од терените околу три недели, соопшти актуелниот италијански шампион.

 

Хрватскиот репрезентативец го повредил бутниот мускул на неделниот натпревар во Џенова, во кој Јувентус славеше над екипата за која игра Горан Пандев со 2:0.

 

На истиот натпревар и партнерот во нападот на Манџукиќ, Алваро Мората пред време го замина на клупата поради боли во стомакот, но прегледите покажале дека тој нема никаква повреда.

 

Манџукиќ ќе ги пропушти натпреварите на Јувентус против Торино (Серија А) и Севилја (Лига на шампиони), а најверојатно нема да биде ниту во составот на хрватската репрезентација на 10.октомври, во клучниот квалификациски натпревар против Бугарија.