Јункер бара акција од лидерите на ЕУ за справување со бегалската криза
Претседателот на Европската комисија Жан-Клод Јункер денеска побара од лидерите на земјите-членки на ЕУ на утрешниот Самит да преземата конкретна акција во справувањето со бегалската криза во Европа, обинувајќи ги државите од Унијата дека не ги исполниле дадените ветувања дека ќе помогнат во решавањето на проблемот со имигрантите.
Како што јави ДПА, Јункер ги повика владите на земјите-членки да ги исполнат ветувањата дадени на Самитот на ЕУ во септември за обезбедување на над 2,5 милијарди евра за справување со бегалската криза.
- Не е доволно да се даваат ветувања. Потреба е акција, порача Јункер во обраќањето пред членовите на Европскиот парламент, кои денеска треба да се изјаснат по предлогот за издвојување средства од фондовите на ЕУ за справување со бегалската криза.
Европа последниве месеци се соочува со најголемата бегалска криза од завршувањето на Втората светска војна. Според податоците на Меѓународната организација за миграции (ИОМ), од почетокот на годинава во ЕУ пристигнале над 606.500 имигранти и баратели на азил.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица