-->
-->
Jунајтед на чекор до Лигата на шампиони
-->
Фудбалерите на Манчестер Јунајтед, БАТЕ Борисов, Астана, Лацио и Спортинг од Лисабон стекнаа предност по првите средби од плеј оф рундата за пласман во Лигата на шампионите.
Манчестер Јунајтед против Бриж славеше со 3:1 иако по само осум минути имаше негатива од еден гол. Мајкал Керик ја погоди мрежата на голманот Ромеро.
Во продолжение на натпреварот Депај постигна два гол (деби голови за него во дресот на Јунајтед), а во 93.минута конечниот резултат го постави Фелаини.
БАТЕ Борисов славеше со минимален резултат над Партизан. Стрелец на единствениот гол беше Гордејчук во 75.минута од натпреварот. Инаку Партизан второто полувреме го одигра со играч помалку, откако во финишот на првиот дел Јевтовиќ го доби вториот жолт картон.
Минимална победа забележа и Лацио над Баер Леверкузен. Единствениот гол на мечот го постигна Кеита во средишницата од второто полувреме.
Казахстанскиот шампион Астана со еден гол предност ќе патува на реваншот кај АПОЕЛ. Џолчиев го постигна единствениот гол во 14.минута.
Спортинг во Лисабон славеше над ЦСКА Москва со 2:1. Колумбиецот Тео Гутиерез го постигна првиот гол на мечот во 12.минута. Шест минути подцна Думбија не реализираше пенал за ЦСКА, односно Риу Патрисио го одбрани неговиот удар.
Думбија грешката ја исправи во 40.минута кога успеа да го израмни резултатот. Конечните 2:1 ги постави Алжирецот Слимани во 82.минута.
Реванш натпреварите се играат за една недела. Во среда на програмата ќе бидат и преостанатите пет мечеви од оваа фаза: Скендербеу-Динамо Загреб, Базел-Макаби Тел Авив, Селтик-Малме, Рапид Виена-Шахтјор и Валенсија-Монако.
-->
-->
-->
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност