Јуанот стана петта валута на „кошницата“ на ММФ
Меѓународниот монетарен фонд (ММФ) соопшти дека донел одлука кинескиот јуан од денеска да биде вклучен како петта валута во неговата „валутна кошница“, врз основа на која се определува курсот на специјалните права на извлекување на Фондот.
Досега „валутната кошница“ на ММФ ја сочинуваа американскиот долар, еврото, јапонскиот јен и британската фунта.
Со новиот сооднос на силите меѓу валутите што ги утврди Советот на директори на ММФ, доларот во „кошницата“ учествува со 41,73 отсто, еврото со 30,93 проценти, јуанот со 10,92, јенот со 8,33, а фунтата со 8,09 отсто.
Овие проценти не се фиксни и варираат во зависност од промената на курсот на секоја од валутите.
Следното преразгледување на составот на „валутната кошница“ на ММФ е предвидено за по пет години,
Директорката на ММФ, Кристин Лагард оцени дека вклучувањето на јунаот во „валутната кошница“ претставува „важен и историски чекор“ за меѓународиниот финансиски систем.
- Тоа претставува признание за напредокот на Кина во реформите на нејзината валута и на финансискиот систем, нагласи Лагард.
Ново на Сител
-
Захарова: САД ја откажаа средбата со Русија за нормализирање на работата на дипломатските мисии
-
Субвенции од 2.000 денари месечно за сите средношколци од прва година од кривопаланечката гимназија
-
Водата во Скопје е квалитетна и безбедна за пиење
-
Полицаец во Тетово одавал службени тајни за акции и контроли на вработен во казино
-
Димитриоска Кочоска: За нула евра сме ја задолжиле државата
-
Министерството за финансии денес или утре ќе пушти писма до банките за финансирање на брзата пруга од Коридорот 10
-
Левица предлага шестчасовно работно време, без намалување на платите
-
Грчката полиција уапси навивачи вмешани во трговија со дрога