Јовиќ сака трансфер во Јунајтед

Напаѓачот на Реал Мадрид, Лука Јовиќ сака кариерата да ја продолжи во Манчестер Јунајтед. Според „Мирор“, Србинот веќе ги информирал двата клуба за својата желба, а неговата иднина ќе биде решена во четврток.

Реал минатото лето плати на Ајнтрахт (Франкфурт) 60 милиони за Јовиќ, но кариерата на Србинот на „Сантијаго Бернабеу“ во моментов не оди како што треба и тој постигна само два гола минатата сезона.

Се вели дека „белите“ сакаат да го испратат на позајмица во друг клуб, а не трајно да се разделуваат од него. Интер и Рома се заинтересирани за Јовиќ, но самиот играч сака да се пресели на „Олд Трафорд“.

Единсон Кавани и Усман Дембеле се другите двајца напаѓачи поврзани со Манчестер Јунајтед.

Вчера Јунајтед упати втора понуда за Џејден Санчо, која беше одбиена.