Јовески: До овој момент не е постигната спогодба за случајот „Рекет“
До овој момент конкретна спогодба со осомничените за случајот „Рекет“ не е постигната, ниту е влезено во посериозни договори околу спогодбата иако, како што изјави денеска државниот јавен обвинител Љубомир Јовески, некои од нив биле заинтересирани за тоа.
Обвинителството за гонење на организиран криминал и корупција утре ќе поднесе обвинение за случајот „Рекет“, потврди Јовески одговарајќи на новинарско прашање во Врховниот суд каде присуствуваше на завршниот настан по повод доделувањето на дипломите на шестата генерација кандидати во почетната обука на Академијата за судии и јавни обвинители.
– Истрагата во првиот дел за „Рекет“ е при крај. Обвинителката Вилма Рускоска работи на донесување јавнообвинителска одлука. Колку што сум информиран во текот на утрешниот ден ќе следи обвинение за тој дел, изјави Јовески.
Во „Рекет“ првоосомничен е Бојан Јовановски (Боки 13) за примање награда за противзаконско влијание и за перење пари и други приноси од казниво дело. Второосомничен, за трговија со влијание, е Зоран Милески Кичеец, а поранешната специјална обвинителка Катица Јанева е третосомничена за злоупотреба на службената положба и овластување.
Јовановски и Јанева се во притвор во КПУ Затвор Скопје, а Милевски е во домашен притвор.
Јовановски вчера требаше да даде исказ во Обвинителството, но му се слоши и со брза помош беше однесен во болница, а потоа вратен во притвор.
Исказ во Обвинителството нема да дава ниту Катица Јанева. Нејзината адвокатка Ирена Фрчковска за МИА потврди дека таа во оваа фаза нема да дава исказ, но ќе го задржи правото во однос на предлагање сведоци и докази понатаму во постапката.
Ново на Сител
-
Судиите избираат двајца нови членови на Судскиот совет
-
Дете загина, мајка повредена во торнадо во Мичиген
-
Апелациски суд во Џорџија го запре процесот против Трамп за вмешаност во изборите
-
Началникот на ГШ на Армијата генерал-потполковник Ѓурчиновски на конференција „форум Б-9“ во Драч
-
Сиљановска Давкова ќе го врачи мандатот за состав на влада на Мицкоски
-
Засега тројца кандидати за лидер на СДСМ, денеска истекува рокот за кандидирање
-
Најмалку четворица загинати, 23 повредени при судир на возови во Чешка
-
Путин: Русија би можела да употреби нуклеарно оружје во случај на закана