Тенис
12. October 2017 - 17:42

Јотовски поразен во второто коло во Хамамет

Македонскиот тенисер Томислав Јотовски го заврши настапот на фјучрс турнирот во Тунис откако попладнево во меч од второто коло загуби од Французионот Габриел Пети со 2-1 во сетови. Мечот траеше 135 минути.
Противникот на Јотовски лесно го доби првиот сет со максимални 6:0 во гемови, а нашиот тенисер успеа да го изедначи резултатот откако во вториот сет беше подобар со 6:4 во гемови. Во решавачкиот сет резултатот беше изедначен до 3:3 во гемови, а Јотовски потоа направи брејк и поведе со 4:3. Но, Пети направи серија од три гема и го доби сетот со 6:4 во гемови.
Иако, Пети го доби првиот сет убедливо односот во поени во целиот меч покажува дека се водела изедначен борба (90:83 за Пети). За пласманот во второто коло Јотовски ќе добие еден поен.