Јолевски во посета на Националната гарда на Вермонт и универзитетот Норвич
Министерот за одбрана на Република Македонија, Зоран Јолевски, во текот на денешниот ден ќе оствари посета на Националната гарда на Вермонт и на Универзитетот Норвич.
Во рамки на посетата, соопшти денеска Министерството за одбрана, Јолевски ќе оствари средба со претседателот на Универзитетот Ричард Шнајдер, како и со заменик-претседателот за академски работи и декан Гујоу Хуанг.
Заедно со началникот на Генералштабот на Армијата на Република Македонија, генерал-потполковник Методија Величковски, министерот Јолевски, ќе оствари средба со командантот на Националната гарда, генералот Креј, како и со претставниците на државата Вермонт во Конгресот и Сенатот на САД. Министерот Јолевски и генералот Величковски ќе присуствуваат и на церемонијата за пензионирање на генералот Дуби, поранешен командант на Националната гарда.
Универзитетот Норвич е најстариот приватен воен универзитет во САД. Република Македонија има воспоставено плодна соработка со универзитетот на кој се школувале и студенти од Република Македонија.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата