Јолевски побара поддршка од САД за интеграција на Македонија во НАТО
Република Македонија е нераскинливо поврзана со НАТО и има целосна поддршка од Соединетите Американски Држави на патот кон полноправно членство во Алијансата, заклучија министерот за одбрана Зоран Јолевски и заменик помошникот државен секретар на САД за Европа и Евроазија, Хојт Ји, на денешната средба во Министерството. На средбата министерот Јолевски побара поддршка од САД, како стратешки партнер, на претстојниот Самит на НАТО во Варшава.
Како што соопшти Министерството за одбрана, Јолевски се фокусираше на досегашните развојни процеси и програми во Министерството и Армијата, кои, рече, докажуваат дека Македонија е подготвена за членство во НАТО. - Продолжуваме со реформите во одбраната, а започнува и процес на модернизација кој е исклучително важен за Армијата. Со модернизацијата АРМ ќе стане силна армија, гарант за територијалниот интегритет и суверенитет на Република Македонија, а воедно ќе стане целосно интероперативна со армиите на останатите членки на НАТО. Со модернизацијата ќе бидат исполнети обврските од партнерските цели, кои се усогласени со НАТО, вели Јолевски.
Тој додаде дека се работи на постојано обучување и оспособување на припадниците на АРМ, со што се одржува и унапредува интероперативноста со партнерите од НАТО.
Хојт Ји посочи дека САД ги препознава добрите практики во процесот на реформи на Армијата и на одбраната и дека земјата дава целосна и континуирана поддршка за членството на Македонија во Алијансата. Тој изрази исклучително задоволство од билатералната соработка во областа на одбраната, која, рече, е пример за соработка меѓу две пријателски земји, кои се стратешки партнери.
Разговарајќи за мигрантската криза која го зафати континентот, министерот Јолевски го информираше соговорникот за ангажманот на Армијата на јужната граница. Притоа истакна дека е потребно Европската Унија, но и пошироката меѓународна заедница да усогласи сеопфатна стратегија за решение на конфликтот во Сирија и како да се справи со мигрантскиот бран.
Ново на Сител
-
Внатрепартиски избори за претседател на СДСМ – тројца кандидати
-
Тема на денот со Златко Перински, министер за локална самоуправа
-
Внатрепартиски избори за претседател на СДСМ – тројца кандидати
-
Дигитална трансформација на јавните комунални претпријатија
-
Внатрепартиски избори за претседател на СДСМ – тројца кандидати
-
Агелер: Нема репреговарање на Договорот од Преспа и напредокот кон ЕУ
-
Детектор: Македонските граѓани сакаат членство во ЕУ, но не по цена на Бугари во Уставот
-
Бугарија задоволна од пописот во Албанија, Грција бара почитување на малцинствата