Јилдирим: Турските сили ги протераа курдските бунтовници од градовите
Турскиот премиер Бинали Јилдирим денеска изјави дека турските безбедносни сили во голема мера ги протерале курдските бунтовници од градските средини во земјата, пренесоа турските медиуми.
Во говорот пред претставниците на владејачката Партија на правдата и развојот (АКП) премиерот изјави дека силите за безбедност ќе продолжат да ги прогонуваат бунтовниците во вонградските региони, „се додека не престанат терористички инциденти“.
Курдскиот конфликт во Турција минатото лето беше обновен по прекионот на примирјето, што траеше повеќе од две години.
Турција воведе 24-часовен полициски час во неколку града од југоисточниот дел на земјата, во рамки на офанзивата против бунтовниците од Курдската работничка партија (ПКК).
Околу 400 војници и полицајци и неколку илјади курдски бунтовници се убиени во судирите, наведува турската Влада.
Во операциите на турската армија против курдските бунтовници, кои поставуваа барикади во градовите во југоисточниот дел од земјата, беа убиени и цивили. Освен тоа, десетици илјади цивили беа принудени да ги напуштат своите домови заради борбите.
„Хјуман рајтс воч“ неделава соопшти дека турската Влада ги блокира независните истраги за претпоставните масовни злоупотреби против цивилите во југоисточна Турција.
Ново на Сител
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања