Јавниот долг на Шпанија највисок во изминатите 20 години

Јавниот долг на Шпанија во првиот квартал од оваа година е над 100 отсто, највисоко ниво во изминатите 20 години, соопшти Централната банка на Шпанија.

Во соопштението се вели дека во првиот квартал долговите биле 100,5 отсто што е зголемување во однос на 99,2 отсто од крајот на 2015 година. Долгувањата претходно ја преминаа симболичната граница од 100 отсто во првиот квартал од 2015 година кога изнесуваа 100,2 отсто.

Јавниот долг на Шпанија во крајот на март изнесувал 1,09 билиони евра.