Јапонија воведува задолжителни проверки на психичката состојба на службениците
Во Јапонија од денеска се воведува задолжителна контрола на психичката состојба на службениците на работното место, која ќе важи за компаниите во кои работат над 50 лица.
Контролите се воведуваат поради зголемениот број на болести, предизвикани од стрес и психолошки пад.
За време на контролите вработените ќе треба да одговорат на прашања кои се однесуваат за атмосферата на работното место, односите во колективот, нивната лична психолошка и физичка состојба. Одговорите ќе се проверуваат од психолози, кои се должни да гарантираат дискреција и да не им ги откриваат резултатите на претпоставените. Тие ќе имаат право да му препорачаат на раководството да го префрли работникот на друга работа или да се скрати неговото работно време. Луѓето со психолошки проблеми ќе добијат и лекарска помош.
Во текот на минатата финансиска година во Јапонија околу 500 лица добиле по судски пат материјална отштета од своите работодавачи поради депресии и други нарушувања, поврзани со проблеми на работното место.
Ново на Сител
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та