Јаневска: Квотите на факултетите ќе се дефинират според анализа на пазарот на трудот
Од следната година квотите на високообразовните установи ќе се дефинираат врз основа на анализа на пазарот на трудот и податоците од Агенцијата за вработување, посочува министерката за образование и наука Весна Јаневска во емисијата „Стадион“ на Канал 77, пренесува од Министерството за образование и наука.
Како што се наведува во соопштението, министерката истакнала дека годинава немало време да се интервенира во конкурсот, бидејќи тој веќе бил подготвен од претходното раководство, а поради краткиот рок новата Влада морало да го усвои.
Според Јаневска, на земјава не и требаат толку многу правници, наспроти наставници по математика, физика и хемија.
– Оваа година немавме време да интервенираме во конкурсот, бидејќи истиот веќе беше подготвен од претходното раководство, а поради краткиот рок новата Влада мораше да го усвои без можности за корекции. Но, анализата е почната. Одредени квоти мора да се редуцираат, на пример на Македонија не и требаат толку многу правници, а и требаат наставници по математика, физика, хемија и ние ќе ги стимулираме младите со стипендии да ги одбираат дефицитарни занимања, изјавила Јаневска.
Од МОН додаваат дека министерката размислува за воведување приемни испити на сите високообразовни установи, но за тоа дополнително ќе се дискутира.
Јаневска се осврнала и на буџетот за наука, кој Владата имала намера да го зголеми од сегашните 0,3 отсто од бруто домашниот производ на 1 отсто.
– Јаневска се осврна и на буџетот за наука, кој, како што рече, Владата има намера да го зголеми од сегашните 0,3 отсто од бруто домашниот производ на 1 процент и дека тоа етапно ќе се случува, се наведува во соопштението на МОН.
Ново на Сител
-
Клековски: Лекови мора да има и ќе има за сите– имаме решение за проблемите во здравството
-
Истрага за две разбојништва извршени од 25-годишник во Скопје
-
ОН бараат Израел да го прекине „незаконското“ присуство на Западниот Брег и Источен Ерусалим во рок од 12 месеци
-
Најмалку тројца загинати, стотици ранети во нови експлозии во Либан
-
Исчезнато 45-годишно лице со здравствени проблеми од скопска Кисела Вода
-
Ограбена спортска обложувалница во Чаир
-
Драчевчанец споделувал експлицитни содржини од неговата малолетна девојка
-
Малолетник нападнат од повеќе лица во средно училиште во Бутел