Јанева: Приватните разговори со бомбите ги слушав само јас

Поранешната специјалната јавна обвинителка Катица Јанева во својата одбрана за случајот Рекет тврди дека работела единствено по законот за СЈО.

-Душата ми беше во СЈО, се гордеам на начинот на кој работев Јас и моите помошници обвинители. Ниту еден оформен предмет не се темелеше само на прислушуваните разговори, истакна Јанева во својот исказ.

Обраќајќи се кон судот, додаде: да знаете што се јас знам, сигурно не би била на ова место, вели екс обвинителката.

Според неа, СЈО било производ на неработењето на редовното обвинителство и смета дека СЈО како институција уживала огромна доверба од граѓаните, а ја надминало популарноста и на Чарлиевите ангели.

Давањето одбрана на Јанева во Рекет следи по исказот на првообвинетиот Бојан Јовановски кој вчера скоро пет часа ја докажуваше својата невиност.