Јанева нема да дава исказ за „Рекет“ во оваа фаза
Поранешната специјална јавна обвинителка Катица Јанева, која е третоосоминчена во случајот „Рекет“, во оваа фаза нема да дава исказ во Обвинителството за гонење на организиран криминал и корупција.
Јанева, како што потврди за МИА нејзината адвокатка Ирена Фрчковска, ќе го задржи правото во однос на предлагање сведоци и докази понатаму во постапката.
– Иако рокот за доставување докази на одбраната е до десети, тоа право го имаме до почеток на главната расправа и ќе го искористиме во таа фаза, изјави Фрчковска.
Посочи дека се во исчекување на одлуките во врска со барањето за укинување на притворот и дадената гаранција.
– Очекуваме овие денови Апелационниот суд да донесе одлука и за нашиот предлог. Сметаме дека се исполнети сите услови за укинување на мерката и замена со поблага мерка притвор, изјави Фрчковска.
Првоосомничениот во случајот „Рекет“, Бојан Јовановски – Боки 13 денеска не даде исказ во Обвинителството, иако беше спроведен од КПУ Затвор Скопје, каде се наоѓа во притвор. На Јовановски му се слоши и на носилка и со возило на брза помош беше однесен од Обвинителството за гонење организран криминал и корупција во една од скопските клиники.
Ново на Сител
-
СК: Победи на Гут и Фојц
-
СП Ракомет: Македонија го заврши настапот во Египет со пораз од Белорусија
-
183 нови случаи на Ковид-19 во изминатото деноноќие, починати се 6 лица
-
Во Холандија судири меѓу демонстранти и полиција, 25 уапсени
-
Пожар во ЦК „Браќа Миладиновци“ во Струга
-
Во Албанија продолжуваат високите дневни бројки на нови случаи со Ковид-19
-
Маричиќ: Сегашната законска рамка дава простор да се испитува потеклото на имот
-
Без вода утре корисници од општина Карпош