Ја запроси љубовта на својот живот на маршот на бесмртниот полк: Сакав да биде тоа нешто за паметење

Илјадници луѓе учествуваа во Маршот на Бесмртниот полк во Њујорк во чест на советските воени херои кои ги поразија нацистите. Еден маж ја искористи оваа можност да ја запроси својата девојка.

„Сакам да станеш моја жена“, рече Роб Бел додека клечеше на колено на улица, а неговата девојка Триша Дирмонд рече „да“.

Луѓето околу нив и аплаудираа на двојката која беше облечена во воена униформа од Втората светска војна.

„Сакав да биде навистина нешто за паметење“, рече Бел.

Бесмртниот полк е започнат во Русија пред 10 години, а од тогаш се одржува на меѓународно ниво кога милиони луѓе ширум планетата на Денот на победата, носат портрети на роднини кои се бореле во Втората светска војна.

Двојката вели дека им е жал што многу Американци малку знаат за Втората светска војна и придонесот на СССР во победата над нацистите.