Бизнис
17. August 2018 - 19:39

Извоз на праски за Русија ќе има кога Македонија ќе поднесе извештај за спроведена истрага

Русија ќе ја укине времената забрана за извоз на праски и друго коскесто овошје од Македонија откако ќе добие извештај за спроведена истрага и преземени фитосанитарни мерки. Извештајот треба да го изготват надлежните органи од земјава и мора да биде прифатен од надлежните органи на Руската Федерација.

Фитосанитарната управа на Македонија веќе изготвува упатство за деконтаминација на магацините и насадите со коскесто овошје од страна на производителите и дистрибутерите во случај да се утврди присуство на спорната габа.

Тим од македонското Министерство за земјоделство денеска во амбасадата на Руската Федерација имаше средба со заменик-амбасадорот. Како што соопшти МЗШВ, двете страни се согласни да се најде решение за времената забрана за извоз.

Во соопоштението од Министертсвто не е наведено кога макеоднските власти ќе го подготват бараниот извештај за да може извозот да продолжи. Извозот на праски кон Русија сопре во средата кога беа вратени 6 камиони. Штетата што ја трпат производителите изнесува 4000 до 5000 по камион.