Израелските сили повторно пукаа врз цели во Газа

Израел потврди дека денеска, како одговор на запалливи балони лансирани од Газа, биле извршени напади врз воени цели и места за лансирање на Хамас.

Израелската војска ги потврди воздушните напади врз Газа и во објавата на Твитер наведе дека се подготвува за различни сценарија, вклучително и можност за ескалација на непријателствата со Хамас. Медиумите во Газа објавија дека израелски авиони бомбардирале повеќе цивилни цели, но нема потврда за можни жртви.

Во средата, израелската армија изврши воздушни напади врз цели на Хамас во појасот Газа, кршејќи го примирјето постигнато кон крајот на мај за првпат, како одговор на запалливи балони од палестинската територија.