Израел го бомбардираше Појасот Газа

Израелската војска изведе воздушни напади врз Појасот Газа откако Хамас претходно истрела ракета што падна во јужниот дел на Израел.

Воздушниот напад почна синоќа откако во „утринските часови од Појасот Газа беше истрелана ракета врз ненаселена област на југот од Израел, во кој никој не е повреден“, соопшти израелска армија.

„Како одговор на овој напад, војската нападна воен пункт на Хамас во центарот на Појасот Газа“, се додава во армиското соопштение, пренесено од француските медиуми.

Израелска војска наведува дека тоа е 20-та ракета истрелана од Појасот Газа од почетокот на годината.