Измислен робот кој сам дезинфицира простории

Руската компанија НТИ Аутонет направила робот за дезинфекција на простории, пренесува ТАС.

Роботот може да самостојно да дезинфицира просторија, но и да биде управуван од далечина, поради што неговата употреба ќе биде од големо значење во ера на пандемијата, порачуваат од компанијата.

Овој начин на дезинфекција значително е полесен од вообичаениот и гарантира заштита на животот и здравјето на луѓето кои се вклучени во овој процес.

Роботот настанал преку унапредување на робот од серијата Јуниор кои ги разви Аурора Роботикс, а во неговиот развој вложени се околу 10 милиони рубљи, односно 135.000 долари.

Роботот може да подигне тежина до 50 килограми, што овозможува поставување резервоар со средство за дезинфекција, а работи околу два часа со едно полнење на батеријата.