Изменет сообраќаен режим во Скопје поради Задушница
По повод верскиот празник Задушница денеска и утре од 6 до 16 часот во реонот на гробиштата Бутел ќе има изменет сообраќаен режим, а по потреба сообраќајот ќе биде пренасочен и кај гробишта во Ѓорче Петров по улицата „Црногорска“ и кај Камник по улицата „Јужноморавски Бригади“ со улоцата „Роман Каскалиевиќ“.
Како што соопшти МВР, на гробиштата каде се очекува големо присуство на верници и зголемен интензитет на сообраќајот, од страна на сообраќајната полиција ќе бидат преземени посебни мерки за безбедно и непречено одвивање на сообраќајот во посочените реони.
Од МВР информираат дека поради изведување на градежни работи на улицата „Александар Урдаревски“ во реонот на гробиштата Бутел, кои што се уште траат, дел од оваа улица ќе биде забранет за сообраќај.
Сообраќајниот режим на движење на возилата во Бутел ќе се одвива по улицата „Боца Иванова“ во правец од кружниот тек на улицата „Александар Урдаревски“ кон пристапните влезови на гробишта Бутел, а излезот ќе се одвива по улицата „Боца Иванова“, лево, по „Александар Урдаревски“ кон клучка „Мирковци“ (обиколница).
МВР апелира сите граѓани учесници во сообраќајот да ги почитуваат наредбите кои ќе ги даваат униформираните полициски службеници и да ги почитуваат сообраќајните правила и прописи, како и сообраќајната регулатива за променетиот режим на сообраќај.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите