Изменет сообраќаен режим на булеварот „Србија“ поради снимање филм
Изменет сообраќаен режим ќе биде воведен на булеварот „Србија“ вечер од 18 часот до утре во 5 часот, поради снимање на сцени за играниот филм „Осветлен“ во режија на Срѓан Јанаќиевиќ, информираат од продуцентската куќа „Ново Македонско Видео“.
- Една од сцените е предвидено да се снима на потегот помеѓу булеварите „Трета Македонска Бригада“ и „Србија“. За потребите на снимањето денеска, од 18 часот до 5 часот утре (четврток), ќе има измена на сообраќаен режим на булевар „Србија“. Тоа значи дека ќе биде затворена едната сообраќајна лента од крстосницата со булевар „Борис Трајковски“ до крстосницата со булевар „Трета Македонска Бригада“, соопштуваат од продуцентската куќа.
На истиот потег за време на снимањето ќе биде овозможено движење само на автобусите на јавниот градски превоз, товарните возила и на амбулантните возила.
Од „Ново Македонско Видео“ јавуваат дека за време на снимањето е обезбедена полициска асистенција од СВР Скопје.
Ново на Сител
-
Тема на денот со Горан Благоев, верски аналитичар и историчар од Софија
-
Коце Трајановски нов директор на Државни патишта, СДСМ критикува
-
Чибишев и поднел пријава на Бесија Иљази зошто незаконски им исплатила 650.000 денари на договорците
-
Судскиот совет има напредок, но и уште многу работа - Реакции на меѓународната заедница
-
Радев: Мицкоски нема познавање од меѓународно и уставно право
-
Приватните превозници нема да возат, бараат исплата на долг од над 2 милиони евра
-
Ни волшебно стапче нема да помогне за учениците во седмо одделение да имаат нови учебници
-
Преглед на вестите од светот