Изложба на студенти на Индустриски дизајн од Машинскиот факултет

Изложба со наслов „Дизајнирање на еволуцијата“ на студенти од насоката Индустриски дизајн при Машинскиот факултет ќе биде отворена денеска во Галеријата ФЛУ при Педагошката академија во Скопје.

На изложбата ќе може да се видат најнови дизајни на светилки, мебел, техника, играчки, декоративни предмети и низа други производи изработени од младите дизајнери и со примена на најсовремени дизајнерски методи и алатки, а кои се резултат на нивната посветеност да се задоволат префинетите фантазии, желби и потреби на современиот човек.

Како што информираше Машинскиот факултет, на изложбата ќе биде промовирана брошура во која се презентирани 127 од претставените дела, групирани во повеќе области според стилот и намената.