Изложба на модна колекција од Милена Атанасова

Изложба на модна колекција „Седум“ од брендот „Атами“ на Милена Атанасова ќе биде отворена денеска во „Концепт37“ во Скопје.

Колекцијата вклучува соработка со графичкиот уметник Атанас Ботев.

Дизајнерката за новата колекција вели дека е нослива и комфорна облека, наменета за смели и динамични луѓе и претставува продолжение на мини колекцијата „Седум“ со црно и бело, како боја и убави природни материјали и геометриски сечења.

Изложбата е во рамки на серијата колаборативни настани за промоција на домашни уметници на „Концепт37“ и „Паратиссима Скопје“ и ќе биде отворена за посетители до 5 ноември.