Изложба на карикатури од Миро Георгијевски во Кавадарци
Изложба на карикатури насловена “Миросани од Миро” беше отворена синоќа во кавадаречката Музеј галерија. Неа ја сочинуваат шеесетина карикатури од најновиот циклус творење на овој автор. Во своето обраќање, директорот на културната институција, Петре Камчевски потсети дека музејот има големо искуство во организирање на изложби на карикатури. Се осврна и на животот и делото на Миро.
- Роден е во Куманово во 1946 година. Со карикатура се занимава повеќе од педесетина години. По професија е машински инжењер, а карикатурата му е хоби. Работел како уредник за карикатури во списанието “Остен”, а има работено карикатури за весниците “Нова Македонија” и “Дневник”, соопшти Камчевски.
Нагласи дека Миро е еден од најуспешните македонски карикатуристи и добитник на многу признанија кај нас и во светот. Во Кина ја има освоено наградата “Мајстор на карикатура” и е прогласен за еден од стоте најзначајни карикатуристи во светот. Во 2011 година од ЗКМ, Миро е прогласен за карикатурист на годината. На седмиот Меѓународен загребски салон за автокарикатура во 2013 година, за својата карикатура, добитник е на првото посебно признание.
Покровители на настанот се кавадаречкиот градоначалник и Советот на општина Кавадарци.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово