Изложба на анимирани дела од македонски автори
Анимирани дела од македонски автори ќе бидат претставени на изложбата „Нација на Анимација“, која вечер во 19 часот ќе биде отворена во галеријата на Кинотеката на Македонија.
Ќе бидат презентирани 11 проекти - филмови и видеоигри изработени од професионални автори, но и од студенти. Изложбата ќе биде отворена со проекција на кратки анимирани филмови од современи македонски автори.
Организатор на настанот е македонскиот огранок на Меѓународното друштво за промоција на анимацијата - АСИФА Македонија, со поддршка на Министерство за култура.
Катарина Блажевска-Угарковиќ, претставник на АСИФА Македонија и организатор на изложбата, истакнува дека проектот го посветуваат на македонските творци во анимираната уметност со цел да покажат дека кај нас анимираната сцена е прилично активна и дека не заостанува зад остатокот од светот.
- И не само во Македонија. Веќе со години нашите студија за анимација соработуваат со светот и ја вметнуваат Македонија како активен партнер на големи анимирани проекти. Оттаму и дојде идејата за ваков проект, каде ќе покажеме дека нашите креативни херои работат и оригинални македонски производи, вели Блажевска-Угарковиќ.
Ново на Сител
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани
-
Герасимовски: Пријавувајте проблеми со јавна чистота, досега пријавени 159 проблеми
-
Викендов променливо и нестабилно време, со локален пороен дожд и појава на невреме
-
Претрес во Битола, пронајдена дрога
-
ЕУ го повика Израел „веднаш“ да ја прекине воената операција Рафа
-
Два пожара на отворено регистрирани изминатото деноноќие
-
Драма во Драч: Татко ги земал двете деца како заложници и почнал да пука со калашников