Излезни анкети: 76 отсто Руси за зголемување на претседателските овластувања
Околу 76 проценти од Русите одобруваат реформа што ги зајакнува овластувањата на претседателот на земјата Владимир Путин, покажуваат излезните анкети од референдумот, објавени денеска.
Од 25 јуни до 1 јули во Русија се одржува референдум за уставни измени, а причина за неколкудневното гласање е обид да се спречат групирања на избирачките места поради епидемијата на коронавирус.
Институтот Втсиом објави дека 76 проценти од испитаниците рекле дека се за измените што ги предложи рускиот претседател, додека 23,6 проценти се против.
Анкетата беше спроведена од 25 до 28 јуни и опфати 163.000 луѓе. Околу 70,6 проценти од испитаниците се согласиле да одговорат.
Институтот Втсиом ги објави резултатите од анкетата пред крајот на референдумот поради „големиот интерес“ за овој вид на информации, како и поради недостиг на законска забрана. Институтот ја отфрли можноста дека објавата може да влијае на референдумот.
Со реформата предложена од Путин, би му се овозможило да остане на функцијата претседател уште два мандата, односно до 2036 година, кога ќе има 84 година. Според законот кој сега е во сила, Путин треба да се повлече од функцијата во 2024 година. Освен мандатот, со уставната реформа тој ќе добие зголемени ингеренции за именување или разрешување судии.
Руската опозиоција предупреди дека станува збор за „фарса“, која треба на Путин да му овозможи доживотен мандат.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд