Издаден налог за апсење на поранешниот пакистански премиер Наваз Шариф

Пакистански суд издаде наредба за апсење на поранешниот премиер Наваз Шариф, откако тој не се појави на рочиште на судски процес против него, кој се води поради обвиненија за корупција.

Судот го одби барањето на адвокатот на Шариф, на поранешниот премиер да му се суди во отсуство за да може да остане во Лондон каде што се лекува неговата сопруга.

Судијата го закажа следното рочиште за 3 ноември.