Избрани обвинители во ОЈО Гостивар, Скопје и во Струга

Советот на јавни обвинители на денешната 87-ма седница со по девет гласа „за“ ги избра Зура Селими, Александра Дамјановска - Николоска, Игор Димитровски и Валнеса Бизаки-Дилали, за јавни обвинители во основните јавни обвинителства во Гостивар, во Скопје и во Струга.  

Сите кандидати ја имаат успешно завршено обуката на Академијата за судии и јавни обвинители и почнуваат со работа од 1 ноември годинава.

Во ОЈО Скопје избран е еден јавен обвинител, во ОЈО Гостивар два и во ОЈО Струга еден јавен обвинител.

На огласот за јавно обвинители во ОЈО Гостивар и ОЈО Скопје биле пријавени двајца кандидати, како и во ОЈО Струга,  двајца кандидати.

Советот на денешната седница, исто така, треба да ги разгледа и годишните извештаи за работата на Основното јавно обвинителство за гонење на организиран криминал и корупција – ОЈО-ГОК Скопје и за работата на јавните обвинителства на подрачјето на Вишото ЈО Штип.