Изборната реформа што ја бара ЕУ, конечно ги седна на маса власта и опозицијата во Албанија
По долгата и длабока политичка криза во која западна Албанија, денеска првпат претставници на владејачкото мнозинство и опозицијата седнаа на заедничка маса за изборните реформи.
Ова прашање, како што е заклучено на средбата треба да биде заокружено до 15март годинава.
На 90-минутната средба присуствувале Дамиан Ѓикнури, од Социјалистичката партија, Оерд Булукбаши од Демократската партија, Петрит Васили од Социјалистикото движење за интеграција (и двете вонпарламентарни партии) и Рудина Хајдари од опозициската пратеничка група „Демократи“.
На средбата постигната е согласност и за формирање политички совет со претставници на опозицијата, првите луѓе на Комисијата за реформи и претставници на парламентарните групи во Собранието.
Документот во кој се наведени заклучоците го потпишаа тројца од учениците, освен Хајдари, иако во принцип се согласила со постигнатите заклучоци.
– Овој документ го гарантира она што ние долго време го баравме, изборната реформа да се направи со консензус, да биде сеопфатна. Ќе имаме и меѓународна помош,изјави Букулбаши по средбата.
– Направен е чекор напред во однос на исполнувањето на клучниот услов на Бундестагот за започнување на пристапните преговори. Со соодветна одговорност и лојалност од другата страна ќе може да се оди напред за да се ослободи земјата од изманипулираните и купени избори, рече Васили.
Претставникот на владејачките социјалсти, кој е и претседател на Комисијата за изборната реформа, Дамиан Ѓикнури, ја поздрави „добрата волја за изнаоѓање форма на дијалог со опозицијата“.
– Ќе се обидеме да работиме со консензус со помош на експерти на ОДИХР, за кои официјално ќе побараме да дојдат во Тирана за да се решат прашањата каде што партиите може да имаат различни гледишта, истакна Ѓикнури.
И покрај фактот што Хајдари не го потпиша политичкиот пакт, во принцип се согласи со дискусиите на средбата, но според парламентарната опозиција, во „игра“ треба да биде и промената на изборниот систем.
Ново на Сител
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та