Балкан
5. July 2022 - 14:19

Избегната тепачка по жестока расправа во црногорското Собрание: Да станам да му го скршам носот | ВИДЕО

Во Собранието на Црна Гора беше избегната тепачка по жестока расправа меѓу пратениците, информираат тамошните медиуми.

Пратеникот Марко Милачиќ го обвини министерот за земјоделство, шумарство и водостопанство и вицепремиер Владимир Јоковиќ дека зел кредити и купил диплома на бензинска пумпа во Затон.

На ова реагираше пратеникот на СНП, Драган Ивановиќ, кој изјави дека се работи за измислици.

Меѓутоа, по тоа дошло до расправија и закани, а за малку и до физичка пресметка. За да се избегне влошување на ситуацијата била дадена пауза, јавуваат медиумите.