Балкан
21. January 2016 - 8:26

Италијанската полиција заплени 450 килограми марихуана од Албанија

Италијанската полиција, во пристанишниот град Бриндизи, заплени 450 килограми марихуана и го уапси 47-годишен албански државјанин од Валона.

Дрогата била откриена при контрола на возилото во сопственост на уапсениот, скриена во еден дел, а околу било попрскано со бензин за да не може да ја почувствуваат полициските кучиња, јавува дописникот на МИА од Тирана.

Дрогата, според полицијата била спакувана во 300 пакети, а нејзината вредност се проценува на пет милиони евра.

Осомничениот е уапсен, а дрогата, возилото и неговиот телефон се запленети како доказен материјал.

Ден пред тоа италијанската полиција во близина на италијанско-австриската граница заплени 93 килограми кокаин и уапси двајца албански државјани.

Доколку дрогата би стасала на пазарот во дози, нејзината вредност се проценува на 18 милиони евра.