Истражување: Поврзани се антиваксерското движење и популизмот
Последната студија објавена во Европскиот весник за јавно здравство открива поврзаност помеѓу поддршката за популистички политички партии и отпорот кон вакцинирањето.
Додека сѐ повеќе земји во Европа се соочуваат со зголемена стапка на епидемија на морбили и пад на бројот на родители кои ги вакцинираат своите деца, студијата покажува дека има голема поврзаност помеѓу лицата кои гласаат за популистички партии и верувањето дека вакцините се неважни.
– Колебливоста кон вакцините и политичкиот популизам се водени од слични динамики: длабока недоверба во елитите и експертите, пишуваат авторите на студијата.
Тие истакнуваат дека е важно за сите релевантни актери во јавното здравство да работат на враќање на довербата на родителите кои се против вакцините, но дека стратегијата има ограничувања.
– Општата недоверба кон елитите и експертите која стои зад колебливоста за вакцините ќе биде тешко решлива ако не се решат и причините кои стојат зад неа – политичката обесправеност и економската маргинализација на големи делови на населението во Западна Европа, предупредуваат авторите.
Според Светската Здравствена Организација, антиваксервството е една од најголемите безбедносни закани во 2019 година.
Во Франција, 20 отсто од населението нема доверба во вакцините, а шефицата на екстремната десница, Марин Ле Пен, отворено се спротивстави на задолжителното вакцинирање. Слично и во Италија, владејачката партија Пет ѕвезди со години води антиваксерски кампањи. И двете земји се соочуваат со загрижувачки стапки на епидемија на морбили.
Ново на Сител
-
Течат роковите за приговори
-
Почнуваат преговорите, три до четири министерства за ВРЕДИ во новата Влада
-
Грција во исчекување на позициите на ВМРО-ДПМНЕ за Преспанскиот договор
-
ДУИ чека преговори за Влада - Џафери одбива да говори за опозиција
-
Полицијата го пронајде виновникот за пожарот на мостот Беласица: 37 годишникот е веќе во затвор
-
Мерка на претпазливост, редовно јавување во суд за обвинетите за распределба на спортски ваучери
-
Џунглата во дворот на Владата ги скара Џафери и Арсовска
-
Не запира одливот на медицински сестри од јавното здравство