Истекува рокот за пријавување на штетите од поплавите

Денеска истекува крајниот рок што го определи Владата за пријавување на настанатите штети на недвижниот имот, движниот имот, моторните возила, земјоделските површини и сточниот фонд од поплавите кои се случија на 6 август 2016 година, за оштетените од населените места Стајковци, Сингелиќ, Инџиково, Економија, Ченто, Брњарци, Страчинци, Виниче, Црешево, Булачани, Раштански пат, Смилковци, Арачиново, Илинден, Шуто Оризари и Шипковица.

Сите лица од овие населени места кои се уште ги немаат пријавено штетите од поплавите, денеска заклучно со крајот на работното време во 16:30 часот, тоа може да го направат во општините Гази Баба, Арачиново, Илинден, Шуто Оризари и Тетово, или, пак, во подрачните единици на Министерството за земјоделство шумарство и водостопанство во Гази Баба и Тетово.

На барање на оштетените граѓани, Владата веќе еднаш го пролонгираше крајниот рок за пријавување на штетите од поплавите.