Исламофобијата го потхранува тероризмот, оцени генералниот секретар на ОН

Исламофобијата, изразена во некои делови на светот, го разгорува тероризмот, изјави денеска генералниот секретар на ОН Антонио Гутереш.

- Една од работите што распалува тероризам е изразувањето во некои делови од светот на исламофобски расположенија и политики, истакна Гутериш, кој е во посета на Саудиска Арабија, посветена на регионалните конфликти.

Тој даде изјава за новинарите во Ријад на заедничката прес-конференција со саудискиот министер за надворешни работи Адел ал Џубејир.

- Тоа е најдобар аргумент кој може да го користи Исламска држава за спроведување на сопствената пропаганда, додаде генералниот секретар на ОН.