Исчезна јапонски воен хеликоптер

Јапонски воен хелиокоптер со четири членови на екипажот исчезна денеска од радарите во текот на воена вежба над Тихиот Океан, соопшти Министерството за одбрана на Јапонија.

Хеликотерот од типот Блек Хоук исчезнал од радарите додека се наоѓал на 31 километри јужно од градот Хамамацу.

Во соопштението се посочува дека во реонот на Пацификот во кој исчезнал хеликотерот, се пронајдени „некои делови како плутаат во водата“, за кои се претпоставува дека му припаѓаат на леталото.

Според јапонските медиуми, хеликопотерот, што учествува во вежби во кои се симулирале спасувачки операции, најверојатно се урнал во Тихиот Океан.