Иранскиот режисер Асгар Фархади нема да присуствува на доделувањето на Оскар
Иранскиот оскаровец, режисерот Асгар Фархади нема да присуствува на свеченоста на доделувањето на Оскар закажана за 26 февруари во Лос Анџелес заради најновите забрани за издавање визи кои ги потпиша американскиот претседател Доналд Трамп.
Филмот на Фархади „The Salesman“ е номиниран во категоријата Најдобар филм од неанглиско говорно подрачје.
Фархади во изјавата на иранските медиуми напомена дека планирал да присуствува на свеченосота во Лос Анџелес, но тој бил приморан да ја промени одлуката, поради неизвесноста околу издавањето визи.
Трамп во петокот со декрет на 90 дена забрани издавање визи за влез во САД за државјаните на седум земји. Станува збор за Иран, Ирак, Судан, Либија, Јемен, Сомалија и Сирија, со тоа што влезот на сириските државјани е забранет на неодредено време.
Со истиот декрет Трамп на 120 дена го прекина спроведувањето на Програмата на САД за прием на бегалци, додека не се утврди од која земја можат да се примат, но после темелни проверки.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден