Иран: Третата рунда американско-ирански преговори ќе се одржи задутре во Мускат

Третата рунда преговори меѓу Иран и САД за нуклеарната програма на Техеран ќе се одржи задутре во главниот град на Оман, Мускат, со учество на посредници, соопшти синоќа иранскиот заменик - министер за надворешни работи Казем Гариб Абади.

„Нема да преговараме за правото на Иран да збогатува ураниум и за тоа дека збогатувањето ураниум е една од нашите црвени линии. Иран не се стреми кон нуклеарно оружје, а збогатувањето ураниум во нашата земја се врши за мирољубиви цели. Експертските и техничките состаноци ќе се одржат индиректно во Мускат во среда оваа недела. Значи, ние во моментов ги дефинираме општите принципи на преговорите“, рече Абади.

Тој додаде дека на претходната рунда преговори со САД било постигнато взаемно разбирање за општите одредби од договорот за иранската нуклеарна програма.