Иран: Ќе се вратиме на состојбата пред потпишување на договорот, доколку ЕУ не ги исполни обврските
Портпаролот на иранската нуклеарна агенција Бехруз Камалванди рече дека денеска Иран ќе се врати на состојбата пред потпишување на договорот со големите сили, доколку европските земји не ги исполнат обврските.
Иран бара од ЕУ да најде начин да се ублажат санкциите од САД и да се реализира ветената економска помош.
Во 2015, САД, Иран, Кина, Русија и трите големи ЕУ членки, Франција, Британија и Германија потпишаа акциски план кој предвидува, меѓу другото, нуклеарно разоружување на Техеран, во замена за постепено укинување на санкциите врз земјата. Но, администрацијата на Доналд Трамп минатата година одлучи да се повлече од оваа спогодба и повторно да воведе рестриктивни мерки врз Иранците.
Иранските власти оттогаш не ги почитуваат целосно одредбите од спогодбата и повторно почнаа да ги зголемуваат резервите на збогатен ураниум над дозволеното.
Министрите за надворешни работи на ЕУ денеска ќе се обидат да изнајдат решение за спас на овој договор и за да се спречи Иран да продолжи да го прекршува.
Ново на Сител
-
Тема на денот со Илина Мангова, ИРИ
-
Двојно убиство во Стајковци
-
ДИК прифати 7 приговори, прегласување на 22 мај
-
Работните групи за владина коалиција на ВМРО-ДПМНЕ и Вреди стартуваат со работа
-
Нови реакции за говорот на Силјановска од европските земји и Грција
-
Анкета на ИРИ: Македонците сакаат во ЕУ, но не веруваат дека Унијата ќе ги отвори вратите
-
Седуммесечно бебе паднало од импровизиран кревет
-
Центар за рангирање на светски универзитети: УКИМ година дена не бележи никаков напредок