Свет
5. July 2016 - 18:06

Ирачкиот министер за внатрешни работи поднесе оставка по нападот во Багдад

Ирачкиот министер за внатрешни работи Мохамед ал Габан ја поднесе својата оставка до премиерот Хајдер ал Абади, два дена по нападот во Багдад, во кој загинаа 200 лица, а за кој одговорност презеде џихадистичката група Исламска држава.

- Поднесов оставка до премиерот, истакна Габан на прес-конференција.

Во неделата најмалку 213 луѓе беа убиени, а над 200 повредени при експлозија на автомобил-бомба во трговски кварт во ирачкиот главен град. Тоа е најжестокиот самоубиствен напад во земјата во последните десетици години.

Габан истакна дека возилото пристагнало од провинцијата Диала, северно од Багдад, што значи дека успеало да премине без проблем преку контролниот премин. Повеќето Ирачани вчера гневно реагираа на слабоста на властите да го осуетат таквиот напад. 

Соопштението за оставката на Габан веројатно исто така има за цел да ја загрижи јавноста.

Ново на Сител