Интернационален фестивал на монодрама „Битола 2016“
Со две нови монодрамски остварувања на актери од Ерменија и Македонија кои вечер ќе бидат иведени во битолскиот Центар за култура, продолжува Интернационалниот фестивал на монодрама.
Претпоследната фестивалска вечер ќе ја отвори Нора Бадалијан актерка од Државниот куклен театар од Ераван, Ерменија. Бадалијан ќе ја изведе монодрамата „Ни повеќе, ни помалку“ од Алдо Николај во режија на Хрипсиме Шахинијан.
Во конкуренција за награди е и актерот Трајче Јованов од Дом на млади од Штип кој ќе ја изведе монодрамата „Чекачот“ чиј автор и режисер е Трајче Кацаров. Инаку, надвор од конкуренција, само за публиката и гостите на фестивалот ќе биде изведена претставата „Жени од подземјето“ според Еврипид, Софокле и Есхил, во режија на Андреј Цветановски.
Осумнаесеттото издание на Интернационалниот фестивал на монодрама завршува утревечер со изведба на монодрамата „Се на масата“ на бугарскиот актер Васил Дуев, а фестивалската завеса ќе ја спуштат актерите од Театар Комедија од Скопје, кои во чест на наградените ќе ја изведат претставата „Случајот Хармс“ од Даниел Хармс во режија на Дино Мустафиќ.
Ново на Сител
-
Две лица повредени во сообраќајка во Скопје
-
Приведени три млади лица и еден малолетник - одземени марихуана и боксирач
-
Пронајден гостиварец баран по потерница
-
На депонија во село во Новаци пронајдена неексплодирана граната од Првата светска војна
-
До вторник услови за слаб дожд и снег на планините
-
Германскиот претседател ги повика граѓаните да гласаат
-
Училиштата на Санторини, Иос, Аморгос и Анафи, поради земјотресите остануваат затворени уште една седмица
-
Утре пред Собранието законските измени за сметководителите