Инцидент во бегалски камп кај Атина
Десетици гневни мигранти и бегалци, главно од Авганистан, кои со месеци во многу лоши услови престојуваат во кампот Елиникон, во близина на Атина, денеска се обидоа да го спречат министерот за миграциска политика Јанис Музалас да влезе во кампот, соопштија француските медиуми.
-Ние сме човечки суштества. Не сме животни, извика еден од мигрантите, обраќајќи му се министерот, кој на крајот, сепак, влезе во кампот, покажуваат снимките емитувани од грчките телевизиски канали.
Министерот изрази жалење што некои демонстранти, кои, според него, не биле повеќе од триесетина, се обиделе и да го удрат. Тој ја обвини левичарската антирасистичка организација дека го разгорува протестот.
-Нема штрајк со глад (како што соопшти асоцијацијата), демонстрантите се обидоа да го спречат влегувањето на камионите со храна и испраќањето на болните во здравствените ординации, рече министерот.
„Секој оној што се чувствува потиснат во овој камп слободен е да си замине од него, треба да се почитуваат законите што истовремено се применуваат и кон Грците и кон бегалците, подвлече министерот.
Слично на повеќето организации за правата на човекот, и антифашистичката организација Кеерфа, која се наоѓа во средиштето на протестот, истакнува дека во кампот нема топла вода и храна што им се дели на бегалците е неспоива со нивните прехранбени навики.
Приближно 1.500 бегалци речиси една година живеат во кампот Елиникон, што всушност се стари стадиони и сали, и според невладините организации, не е погоден за долгорочно престојување.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација