Инцидент на дербито Партизан - Звезда

Сигурна победа на Партизан од 92-81 на кошаркарското дерби од Јадранската лига. Најдобар играч на мечот беше Французинот Матијас Лесор кој предизвика и голем инцидент по завршувањето на средбата.

Лесор постигна 27 поени и беше прогласен за МВП не само на мечот, туку и на колото во АБА лигата, но за него сега се пишува поради инцидентот за кој сигурно ќе добие казна.

 

По последниот звук на сирената, тој двапати го удри Филип Петрушев, веројатно како некоја одмазда за некои претходни дуели меѓу нив двајца.