Илјадници демонстранти се собраа во Њујорк против договорот со Иран

Илјадници демонстранти се собраа денеска на њујоршкиот плоштад „Тајмс сквер“, протестирајќи против договорот за иранската нуклеарна програма, јави ТАСС. 

Учесниците на протестот под наслов „Стоп за Иран“ се убедени дека договорот нема да го спречи Иран да се стекне со нуклеарно оружје и бараат Конгресот да го отфрли документот.

Според демонстрантите администрацијата на претседателот Барак Обама ја игнорира демократијата, постигнувајќи договор, откако преговараше со Техеран без учество на Конгресот, тврди адвокатот Алан Дершовиц. 

Околу плоштадот има засилено полициско присуство, иако протестот засега минува мирно и без инциденти.